Gereformeerde Kerk Middelburg-Noord

 

Welkom by ons gemeente se tuiste op die internet!

OGGENDDIENS  elke Sondagoggend 9.00,  eis doxan uitreikdiens elke Sondagoggend 10.30, PITSTOP! ...elke Sondagaand 18.00. GELOOFSVORMING VIR KINDERS vind elke Sondagoggend om 10.00 plaas vir Gr 4 tot 7 kinders. Tydens elke oggenddiens verlaat die kinders van voorskools tot Gr 3 die erediens om na die kinderkerk te gaan. Geloofsvorming vir alle Hoërskoolkinders vind Sondae plaas met 'n herhaling op Woensdae.

Home
Ons geskiedenis
Wat die Here van ons vra
eis doxan
Kleingroepe
Marturein
Geloofsvorming vir kinders
Preke
Publikasies en toerustingmateriaal
Personeel
Fotos

 

 

WAARNA ONS STREEF:

Ons streef daarna om 'n Jesus-gesentreerde gemeente te wees. Hy staan sentraal in alle opsigte. Hy is die enigste fondament waarop ons bou. Hy is die enigste lewenspatroon en volmaakte argiteksplan waarvolgens ons ons totale denke en gedrag laat vorm.

Dit gebeur wanneer elke gelowige die inwoning en inwerking van Jesus Christus in sy/haar lewe raaksien en ervaar as die grootste werklikheid in hulle lewens. Jesus in ons laat sy liefde sigbaar word – ook sy styl en gesindheid van offervaardigheid en diensbereidheid.

Ons groei vanuit Hom en  na Hom toe. Ons stap in sy voetspore. Ons neem sy opdrag in Joh 21 baie ernstig op: "Soos die Vsder My gestuur het, stuur Ek julle ook."

Ons het die afgelope jare die volgende skuiwe gemaak:

  • 'n Skuif weg van 'n gemeente wat bloot sy eie stelsels instandhou na 'n gemeente wat by die essensie van kerkwees wil uitkom.

  • 'n Skuif weg van 'n affiniteit vir dooie strukture na 'n affiniteit vir lewende verhoudings.

  • 'n Skuif weg van 'n gemeente wat gedien wil word, na 'n dienende gemeente.

  • 'n Skuif weg van 'n opset waar kerkleiers van bo af gesag en beheer uitoefen na 'n opset waar die gemeente van wortelvlak af funksioneer.

  • 'n Skuif weg van 'n gemeente wat bloot ter wille van homself bestaan, na 'n gemeente wat bestaan ter wille van die nood van hierdie wêreld.

Ons aanvaar dat die grootste deel van ons gemeente bestaan uit bloed-gewaste, wedergebore volgelinge van Jesus Christus. Daarom wil ons nie ons eie naam of gemeente-stelsels bevorder nie, maar onsself in nederigheid vir die Here en sy saak op aarde gee - net soos wat baie ander gemeentes in die dorp ook doen (met wie ons graag hande vat). Belewing van ons verhouding met die Here is vir ons baie belangriker as blote kennis van die Here. Om 'n beliggaming van ons oortuiging te word is kardinaal. Ons weet dat God eers sy eer ontvang wanneer ons geloof konkreet word. Die jongmense sing 'n liedjie: "I'm coming back to the heart of worship; and it's all about You, Jesus..." (When the music fades). Hierdie woorde is 'n mooi samevatting van ons strewe. Ons visie is om 'n gemeente van geestelik-volwasse mense te wees. Dit is mense wat die beeld van Christus in hierdie wêreld vertoon.

KONTAK ONS:

Kerkkantoor: [Kantoorbestuurder: Elna Lewis]. Kantoorure: 08:00 tot 13:00, weeksdae

Telefoon en faks 013 245-1359, Elna se sel (vir noodgevalle): 082 556 4467

E-pos: lewis.midnoord@gmail.com   Posadres: Posbus 767, Middelburg, 1050.

Adres van die kerkgebou: Dahlialaan, Kanonkop, Middelburg, Mpumalanga.

Kaart (benodig Adobe Reader)

Koördinate:

25º44'44.80"S   29º28'37.30"E

 

 

 

 

     

Home | Ons geskiedenis | Wat die Here van ons vra | eis doxan | Kleingroepe | Marturein | Geloofsvorming vir kinders | Preke | Publikasies en toerustingmateriaal | Personeel | Fotos

This site was last updated 04/09/12